Ізраіль плануе пабудаваць сцяну на мяжы з Іарданіяй

Прэм'ер-міністр Ізраіля Біньямін Нетаньяху паведаміў аб планах па стварэнні загараджальных збудаванняў на ізраільска-іарданскай мяжы. Гэтая інфармацыя была апублікавана ў афіцыйным ТГ-канале ізраільскага прэм'ера.  

"Мы пабудавалі загараджальныя збудаванні на паўднёвай мяжой з Егіптам і спынілі пранікненне нелегалаў у Ізраіль. Цяпер мы створым загараджальныя збудаванні на ўсходняй мяжы, з Іарданіяй, і прадухілім пранікненне з той тэрыторыі ... ", — заявіў Нетаньяху.

Прэм'ер таксама падкрэсліў, што будаўніцтва сцяны на мяжы з Егіптам прадухіліла пранікненне больш як 1 млн нелегальных мігрантаў з Афрыкі, што, паводле яго слоў, "магло знішчыць" Ізраіль.

Нагадаем, што ў 2013 годзе Ізраіль завяршыў узвядзенне 230-кіламетровага суцэльнага загараджальнага бар'ера ўздоўж мяжы з Егіптам ад прыгарадаў Эйлата ля Чырвонага мора да мяжы з сектарам Газа ля Міжземнага. Будаўнічыя работы былі завершаны ўсяго за два гады замест запланаваных чатырох, кошт збудавання — каля $ 420 млн.